1. தமிழக அரசின் போக்குவரத்துத் தொழிலை நாட்டுமையாக்குவது என்ற கொள்கையின் அடிப்படையில் சேரன் போக்குவரத்துக் கழகம் ஒரு போக்குவரத்து நிறுவனம் என கம்பனிச் சட்டத்தின் கீழ் 17.02.1972 அன்று பதிவு செய்யப்பட்டது. பொள்ளாச்சியில் திருவாள்ர் ஆனைமலை பஸ் டிரான்ஸ்போர்ட் லிமிடெட் என்ற தனியார் நிறுவனத்திடமிருந்து 109 பேருந்துகளை கையகப்படுத்தி இக்கழகத்திடம் ஒப்படைத்த பிறகு 01.03.1972 முதல் இப்போக்குவரத்துக் கழகம் தன் பணியை கோவை மாவட்டத்தில் துவக்கியது. தமிழக அரசின் ‘தமிழ்நாடு’ நிலை ஊர்திகள் மற்றும் ஒப்பந்த ஊர்திகள் (கையகப்படுத்துதல்) சட்டம் 1973ன் படி, நீலகிரி மாவட்டத்தில் 19 தனியார் நிறுவனங்கள் இயக்கி வந்த 121 பேருந்துகளை கையகப்படுத்தி இக்கழகத்திடம் 14.01.1973 முதல் ஒப்படைக்கப்பட்டது.

2. சேரன் போக்குவரத்துக் கழகம் இரண்டாகப் பிரிக்கப்பட்டு ஈரோடு மாவட்டத்தில் ஈரோட்டை தலைமையிடமாகக் கொண்டு 01.04.1983 முதல் “ஜீவா போக்குவரத்துக் கழகம்”, 317 பேருந்துகளுடன் துவக்கப்பட்டது.

3. சேரன் போக்குவரத்துக் கழகம் மீண்டும் ஒருமுறை, இரண்டாம் முறையாக 18.02.1994 அன்று இரண்டாகப் பிரிக்கப்பட்டு “மகாகவி பாரதியார் போக்குவரத்துக் கழகம் லிமிடெட்., உதகமண்டலம்” என்ற புதிய போக்குவரத்துக் கழகம், நீலகிரி மாவட்டத்தில் உதகையை தலைமையிடமாகக் கொண்டு 367 பேருந்துகளுடன் துவக்கப்பட்டது.

4. பொள்ளாச்சியில் பேருந்து கூண்டு கட்டுமானப் பணியை கொண்டு இயக்கி வந்த முந்தைய சேரன் இஞ்ஜீனியரிங் கார்பொரேசன் லிமிடெட்.. பொள்ளாச்சி 01.04.1996 முதல் சேரன் போக்குவரத்துக் கழகம் லிமிடெட்., கோவையுடன் இணைக்கப்பட்டது.

5. தமிழ்நாடு அரசு உத்திரவின்படி. 23.07.1997 முதல் சேரன் போக்குவரத்துக் கழகம் லிமிடெட்., கோயமுத்தூர் என்பது “தமிழ்நாடு அரசு போக்குவரத்துக் கழகம் (கோவை கோட்டம் –I) லிமிடெட் கோயம்புத்துர் என்றும் ”ஜீவா போக்குவரத்துக் கழகம் லிமிடெட்., ஈரோடு” என்பது ”தமிழ்நாடு அரசு போக்குவரத்துக் கழகம் ( கோவை கோட்டம் -II) லிமிடெட்., ஈரோடு” என்றும் ”மகாகவி பாரதியர் போக்குவரத்துக் கழகம் லிமிடெட்., உதகமண்டலம்” என்பது ”தமிழ்நாடு அரசு போக்குவரத்துக் கழகம் (கோவை கோட்டம் - III) லிமிடெட்., உதகமண்டலம்” என்றும் பெயர் மாற்றம் செய்யப்பாட்டது.

6. தமிழ்நாடு அரசு போக்குவரத்துக் கழகம் ( கோவை கோட்டம் -III) லிமிடெட்., உதகமண்டலம், தமிழ்நாடு அரசு போக்குவரத்துக் கழகம் ( கோவை கோட்டம் -I ) லிமிடெட்., கோவையுடன் 07.11.2000 முதல் இனைக்கப்பட்டது,

7. தமிழ்நாடு அரசு போக்குவரத்துக் கழகம் (கோவை கோட்டம் – II) ஈரோட, தமிழ்நாடு அரசு போக்குவரத்துக் கழகம் (கோவை கோட்டம் – I) லிமிடெட்., கோவையுடன் 30.12.2003 முதல் இணைக்கப்பட்டு. தற்போது தமிழ்நாடு அரசு போக்குவரத்துக் கழகம் (கோவை) லிமிடெட்., கோயமுத்தூர் என இயக்கி வருகிறது. இப் போக்குவரத்துக் கழகத்தின்கீழ் கோயமுத்தூர், ஈரோடு, திருப்புர் மற்றும் உதகை ஆகிய மண்டலங்கள் உள்ளன.